Տիգրանի «դվայուրոդնի ախպորը» ինչու՞ հենց հիմա են պաշտոնից ազատում

Բոլոր պաշտոնյաներն էլ արմատներ ունե՜ն՝ խորը, չերևացող:

Օրինակ, ո՞վ կարող էր իմանալ, որ Ռոբերտ Քոչարյանի օրոք Տիգրան Սարգսյանի հորեղբոր որդին է Լինսի հիմնադրամի դպրոցաշինության ծրագրի ֆունկցիան իրականացրել: Ասում էին՝ կերա՜ն, հա՜ կերա՜ն, բայց ո՞վ կերավ, ո՞նց կերավ, ժողովուրդն ի՞նչ իմանար…

Անգամ երբ այդ ծրագիրը փակվեց, չքննարկվեց նաև այն հարցը, թե ովքե՞ր էին այդ ծրագրի ետևում թաքնվում:

Էդ նույն ուտողները կային, նույն երևույթները կային, բայց ջրի երես չէին հանվում:

Երբ Հովիկ Աբրահամյանը վարչապետ նշանակվեց, Տիգրան Սարգսյանի հորեղբոր որդի Հրայր Սարգսյանը կար ու բարգավաճում էր: «Քաղաքաշինական ծրագրերի իրականացման գրասենյակի» տնօրեն էր:

Հիմա ի՞նչ եղավ, որ կաթսան լպստելուց հետո նոր- նոր Տիգրանի «դվայորոդնի ախպորը» պաշտոնից Հովիկ Աբրահամյանն ազատում է:

Մինչև էդ պա՞րզ չէր, թե նա ինչով է զբաղվում կամ էն մեկելը ինչով է զբաղվում:

Մենք էլ ծափ ենք տալիս, ուրախանում՝

մաքրվու՜մ ենք…

Մեկիս մտքի ծերով չի անցնում, հարցնենք՝ ինչու՞ հենց հիմա են Տիգրանի «դվայորոդնի ախպորը» պաշտոնից ազատում:

Թող մնա հանցագործության վայրում, ինչու՞ են հեռացնում:

Դա չեմ հասկանում:

ՀԳ Բայց որ մեծ մակարդակի բացահայտումներ են սպասվում, ակներև է…

Հասմիկ Բաբաջանյան