Շիմոն Պերեսին ընկղմել են արհեստական կոմայի մեջ

Իսրայելի նախկին նախագահ Շիմոն Պերեսին, ով հոսպիտալացվել էր գլխուղեղի կաթվածի պատճառով, ընկղմել են արհեստական կոմայի մեջ, հայտնում է Reuters-ը:

«Բժիշկները որոշում են կայացրել «քնեցնել» Պերեսին և միացնել թոքերի արհեստական օդափոխության սարքին՝ հետագա բուժումը հեշտացնելու նպատակով»,- 93-ամյա քաղաքական գործչի մամլո ծառայության հաղորդագրությունն է մեջբերում РИА Новости-ն:

Իր հերթին Associated Press-ն էլ նշում է, որ բժիշկները մտադիր են Պերեսի գլխուղեղի մագնիսական արձագանքման սքանավորում իրականացնել: