ՌԴ դեսպանությունը ռուսներին կոչ է արել չմեկնել Կանադա
![ՌԴ դեսպանությունը ռուսներին կոչ է արել չմեկնել Կանադա](https://hraparak.am/uploads/images/2023/04/image_750x_64441ed91d077.jpg)
Կանադայում Ռուսաստանի Դաշնության դեսպանությունը ռուսաստանցիներին խորհուրդ է տվել ձեռնպահ մնալ երկիր մեկնելուց, ինչպես նաև հրաժարվել կանադական արժույթով բանկային գործառնություններից։
«Կանադայում էթնիկ և քաղաքացիության հիման վրա Ռուսաստանի քաղաքացիների նկատմամբ խտրականության բազմաթիվ դեպքերի պատճառով, ներառյալ ֆիզիկական բռնությունը, խորհուրդ ենք տալիս զերծ մնալ այս երկիր մեկնելուց զբոսաշրջության, կրթության, ինչպես նաև գործարար կապերի համատեքստում», – նշվում է դեսպանատան կայքում։
Դիվանագիտական ներկայացուցչությունը կոչ է անում արդեն Կանադայում գտնվող ռուսներին «զգոն լինել, հատկապես հասարակական վայրերում»։
«Այս նախազգուշացումը վերաբերում է, ի թիվս այլ բաների, կրթական հաստատություններին, այնտեղ նշվել են ռուսական մշակույթի նկատմամբ անհանդուրժողականության դրսեւորումներ»,- նշել են դիվանագիտական առաքելությունից։
Բացի դրանից, դիվանագետները նշում են Ռուսաստանի քաղաքացիների աճող կոչը տեղական ֆինանսական և վարկային կազմակերպություններին մասնավոր դրամական փոխանցումների արգելափակման վերաբերյալ:
Կարծիքներ