Գյումրու ավագանու «Քաղաքացիական պայմանագիր» խմբակցության ղեկավարը՝ մարզպետի խորհրդական
Քնարիկ Հարությունյանը նշանակվել է Շիրակի մարզպետ Նազելի Բաղդասարյանի խորհրդական: Այս մասին Հարությունյանը գրել է ֆեյսբուքյան իր էջում.
«Հետայսու աշխատանքային գործունեությունս շարունակելու եմ Շիրակի մարզպետարանում՝ որպես մարզպետի խորհրդական: Համեստ կարողություններս ներդնելու եմ մարզում առկա խնդիրների լուծմանն ի նպաստ»:
Նշենք, որ Քնարիկ Հարությունյանը Նազելի Բաղդասարյանի օգնականն էր ՀՀ Ազգային ժողովում: Նա նաև Գյումրու ավագանու «Քաղաքացիական պայմանագիր» խմբակցության ղեկավարն է:
Հիշեցնենք, որ ավելի վաղ՝ հունվարի 17-ին, Նազելի Բաղդասարյանի որոշմամբ, Արթուր Նաջարյանը ևս նշանակվել է մարզպետի խորհրդական:
Կարծիքներ