Կինոմիությունը օսկարակիր ռեժիսոր Նիք Վալլելոնգային շնորհեց «Մշակույթի ասպետ» շքանշանը
Օսկարակիր ռեժիսոր, պրոդյուսեր, սցենարիստ Նիք Վալլելոնգան, որն այս օրերին Հայաստանում է, «Սողոմոնի երգերը» ֆիլմի (ռեժիսոր` Արման Նշանյան) պրեմիերայի առիթով, այսօր հյուրընկալվեց Հայաստանի կինեմատոգրաֆիստների միությունում, որտեղ հատուկ ընդունելություն էր կազմակերպվել ի պատիվ ռեժիսորի:
Միության նախագահ Հարություն Խաչատրյանը Նիք Վալլելոնգային հանձնեց միության «Մշակույթի ասպետ» շքանշանը` կինոարվեստում ունեցած մեծ վաստակի ու ներդրման համար: Նիք Վալլելոնգան իր ստորագրությունը թողեց Բուխարու սրահի պատերից մեկի վրա, որտեղ ստորագրել են նաեւ Արամ Խաչատրյանը, Արամ Ա կաթողիկոսը, Վիլյամ Սարոյանը, Վիմ Վենդերսը եւ այլ մեծանուն գործիչներ:
Կարծիքներ