Մելանյա Թրամփին բռնացրել են ստելիս, թե մի քանի լեզու գիտի

ԱՄՆ առաջին տիկին Մելանյա Թրամփին բռնացրել են սուտ խոսելիս, թե տիրապետում է մի քանի օտար լեզուների։ Այս մասին հայտնում է Daily Express-ը։ Հիշեցնենք, որ Մելանյա Թրամփը նախկինում հայտարարել էր, որ տիրապետում է մի քանի լեզուների՝ գերմաներենի, ֆրանսերենի եւ սերբա-խորվաթերենի։ Ամերիկացի լեզվաբան Ջոն Արավոսիսը պարզել է, որ ամենաշատը Մելանյան խոսում է անգլերենով եւ իր հայրենի սլովեներենով, ինչն էլ հիմք է տալիս կարծելու, որ առաջին տիկինը պարզապես ստել է լեզվագիտության հարցում։ Ավելին, նույնիսկ օտար լեզուներով զուտ արարողակարգային նախադասությունների հարցում Մելանյա Թրամփը թույլ է տվել սխալները, ինչը չի վրիպել Արավոսիսի ուշադրությունից։