Միացյալ Նահանգներն ու Հարավային Կորեան մեկնարկել են աննախադեպ մեծամասշտաբ զորավարժություններ

Միացյալ Նահանգների եւ Հարավային Կորեայի ռազմաօդային ուժերը այսօրվանից մեկնարկել են աննախադեպ մասշտաբի համատեղ Vigilant ACE զորավարժությունը, որին մասնակցում է ավելի քան երեք հարյուր ռազմական կործանիչ ինքնաթիռ: Այս մասին հայտնում է Yonhap լրատվական գործակալությունը: Ներգրավված է այն զորավարժություններին 12 հազար զինվորական: Զորավարժությունների նպատակը երկու դաշնակից երկրների ռազմաօդային ուժերի փոխգործակցության որակի բարելավումն է եւ անվտանգության մակարդակի բարձրացումը, թեեւ շատ վերլուծաբաններ կարծում են, որ զորավարժությունները որոշակի ակնարկ են պարունակում ուղղված Փհենյանին: Հիշեցնենք, որ օրեր առաջ Հյուսիսային Կորեայի կողմից իրականացված հերթական միջուկահրթիռային փորձարկումը կրկին լարել է իրադրությունը Կորեական թերակղզում: