Կասպից ծովի կարգավիճակի հետ կապված նոր հանդիպում տեղի կունենա

Կասպից ծովի կարգավիճակի քննարկման հետ կապված ԱԳ նախարարների մակարդակով նոր հանդիպումը տեղի կունենա դեկտեմբերի 4-5-ին: Ինչպես հայտնում է APA լրատվական գործակալությունը, այս մասին հայտարարել է Ադրբեջանի ԱԳ նախարար Էլմար Մամեդյարովը իր թուրք եւ պակիստանցի գործընկերների հետ հանդիպման ժամանակ: Նա նշել է, որ այս հանդիպումը նախատեսված է անցկացնել Մոսկվայում: Հիշեցնենք, որ սպասվում է, որ արդեն հաջորդ տարի կստորագրվի Կասպից ծովի իրավական կարգավիճակի մասին հռչակագիրը: