Ճակատամարտ Երեւանի համար
hraparak
3 Մայիս 2013 | 09:18
0
Balcanicaucaso.org կայքը քաղաքապետի ընտրությունների մասին «Ճակատամարտ Երեւանի համար» հոդվածում գրում է. «Երեւանում ապրիլի իննի նախագահի երդմնակալության ժամանակ տեղի ունեցած բախումներից հետո առաջացած լարվածությունը դեռ չի թուլացել: Ընդդիմությունը շրջադարձի հույսեր է կապում մայիսի հինգին կայանալիք քաղաքապետի ընտրությունների հետ. խոսքը Երեւանի քաղաքապետի ընտրությունների մասին է, իսկ Երեւանում բնակվում է երկրի բնակչության մեկ երրորդը:
Մոտենում են քաղաքապետի ընտրությունները, իսկ քաղաքական իրավիճակը Հայաստանում չի սառչում: Փետրվարի տասնութին առաջացած ճգնաժամը, երբ ընդդիմության ղեկավար Րաֆֆի Հովհաննիսյանը չընդունեց ընտրությունների արդյունքները, շարունակվում է: Մի կողմից՝ դեռեւս ընդդիմությանն առայժմ չի հաջողվել անցկացնել այնպիսի մեծ ցույցեր, որոնք կստիպեին իշխանություններին ընդունել իրենց պահանջները, մյուս կողմից, սակայն, ընդդիմությունը պատրաստվում է նոր ճակատամարտ տալ քաղաքապետի ընտրությունների համար»:
Կարծիքներ