Ուորլիքը ԼՂ գործընթացի մասին ելույթ կունենա Քարնեգի հիմնադրամում
hraparak
6 Մայիս 2014 | 15:21
0
ԵԱՀԿ-ի Մինսկի խմբի ամերիկացի համանախագահ Ջեյմս Ուորլիքը վաղը Վաշինգտոնում Քարնեգի հիմնադրամում ելույթ կունենա «Լեռնային Ղարաբաղ․ կարգավորման բանալիները» թեմայով:
Ինչպես դիվանագետը տեղեկացրել է թվիթերյան գրառմամբ՝ նա պատրաստվում է ներկայացնել Միացյալ Նահանգների քաղաքականությունը ղարաբաղյան հակամարտության առնչությամբ:
Քարնեգի հիմնադրամի Կովկասի հարցերով ավագ փորձագետ Թոմաս դե Վաալը, իր հերթին, տեղեկացնում է, որ Ջեյմս Ուորլիքի ելույթը նվիրված կլինի Ղարաբաղյան պատերազմում 1994 թվականի մայիսի 12-ին կնքված հրադադարի 20-ամյակին: Ելույթին, դե Վաալի փոխանցմամբ, կհաջորդեն քննարկումներ:
Կարծիքներ