«Մախսուդյան Վահագը թռցրել է իմ մահակը»

Ներքաղաքական վայրիվերումներին հակառակ, ՀՀԿ-ԲՀԿ շարքերում շարունակվում է երբեմնի բարեկամությունը, պատգամավորները միմյանց հետ ճաշում են, շախմատ խաղում, հումորներ անում ԱԺ միջանցքներում: Նախօրեին մեր լրագրողն ականատես է եղել, թե ինչպես է ՀՀԿ-ի պոետ Տաճատ Վարդապետյանը, տեսնելով ԲՀԿ-ական գործընկերոջը՝ Վահագն Մախսուդյանին, հանգավորված արտասանել. «Մախսուդյան Վահագը թռցրել է իմ մահակը»: Պոետի հումորից ԲՀԿ-ական պատգամավորը շվարել է: Տեսնելով նրա շփոթահար վիճակը՝ ՀՀԿ-ականն ինքն է գործընկերոջը հուշել պատասխանը. «Վարդապետյան Տաճատը թռցրել է իմ հաջաթը»: