Սպասում ենք, որ դուռը կբացի ու ներս կգա. «Ոսկու շուկայի» անհետացած աշխատակցի հարազատներ

«Մենք գիտենք, որ նա մի օր կգա, մեզ երբեք չի մոռանա ու հաստատ կվերադառնա տուն: Երեխաները անհամբեր նրան են սպասում, առանց նրա իրենց կյանքը չեն պատկերացնում»,- այս մասին Hraparak.am-ին ասաց «Ոսկու շուկայի» կորած աշխատակից Նելլի Հարությունյանի ամուսնու մայրը՝ տիկին Թամարան: 

Տիկին Թամարայի խոսքով՝ այս օրերի ընթացքում իրենք իրենց հույսը չեն կորցրել: «Անքուն գիշերներ ենք անցկացնում, սպասում ենք, որ դուռը կբացի ու ներս կգա, ինչ ուզում է արած լինի, մենակ թող տուն գա ու մեզանից հեռու չլինի»:

Ավելի վաղ հայտնել էինք, որ անհայտ կորել է 38-ամյա մի կին՝ Նելլի Հարությունյանը: Նա օգոստոսի 21-ին դուրս է եկել աշխատանքի վայրից և չի վերադարձել: «Ոսկու շուկայի» աշխատակիցները մեզ հետ զրույցում տեղեկացրել էին, որ անհետացման օրը Նելլիից 9-10 հազար դոլարին համարժեք դրամի առևտուր են արել և այդ գումարը նրա մոտ է եղել: