Ժնևի ՄԱԿ կենտրոնակայանը ժամանակավորապես հանդես կգա այլ կարգավիճակով
Ժնևում գտնվող ՄԱԿ կենտրոնակայանը առաջիկա ամսվա ընթացքում Ազգությունների պալատի իր դռները կբացի հանրության այցելությունների համար՝ կապված կազմակերպության ստեղծման 70- ամյա տարելիցի հանդիսությունների հետ: Այդ մասին հաղորդում է «euromag.ru»-ն՝ հղում անելով «The Local»-ին:
Պատմական շինությունը բաց կլինի զբոսաշրջիկների և քաղաքի բնակիչների առջև հոկտեմբերի 24-ին: Դրանից բացի, գլոբալ կազմակերպության հիմնադրման 70-ամյա տարելիցի կապակցությամբ հանդիսությունների շրջանակում պլանավորված են մի շարք ուշագրավ միջոցառումներ: Դրանց թվում է իտալացի վարպետ Միքելանջելո Պիստոլետտոյի «Վերածնունդ» անվանումը կրող արձանի բացման արարողությունը՝ Ազգերի Պալատը շրջապատող Արիանա զբոսայգում:
Այլ միջոցառումների թվում կլինեն անվճար էքսկուրսիոն շրջագայությունները Ազգությունների պալատով, ցուցահանդեսները, համերգներն ու բազմաբնույթ մրցույթ-խաղերը:
Կարծիքներ