«ՉԻ». ՀՀԿ-ն Գյումրիի քաղաքապետի հարցում չի կարողանում կողմնորոշվել

«Չորրորդ իշխանություն»-ը գրում է. «ՀՀԿ-ն Գյումրիի քաղաքապետի թեկնածուի ընտրության հարցում չի կարող կողմնորոշվել: Իսկ պատճառը ՀՀԿ Գյումրիի կառույցում տրամագծորեն հակառակ տրամադրություններն են: Բանն այն է, որ ՀՀԿ-ականները Երևանում հակված են, որ Գյումրիի ՏԻՄ ընտրություններում ՀՀԿ ավագանու ցուցակը գլխավորի գործող քաղաքապետ Սամվել Բալասանյանը (և հիմա նրա օգտին ակտիվ լոբբինգ է արվում), մինչդեռ Գյումրիի կառույցում նրա թեկնածությանը կտրուկ դեմ են՝ համարելով նրան թույլ թեկնածու, ավելին՝ անարդարացի համարելով այն, որ իրենց կուսակցական ցուցակը պետք է գլխավորի ՀՀԿ-ի հետ կապ չունեցոսղ անձնավորությունը:

Բացի այդ, ՀՀԿ Գյումրիի կառույցում այլ խմորումներ էլ կան: Այստեղ մի մասը ցանկանում է, որ իրենց ցուցակը գլխավորի ԱԺ պատգամավոր Սուքիաս Ավետիսյանը, մյուս մասը պնդում է ՀՀԿ մարզային կառույցի ղեկավար Սահակ Մինասյանի թեկնածությունը, և հիմա այս երկու թևերի միջև ներքին պայքար է»:

Մանրամասները՝ թերթի այսօրվա համարում: