«Հոգևոր Հայաստան»-ը պատրաստ է կանգնել «Արդարություն Հայաստանում» նախաձեռնության հեղինակների կողքին

hraparak 10 Հոկտեմբեր 2016 | 08:00 0

«Հոգևոր Հայաստան»-ը մեծապես արժևորում և բարձր է գնահատում Սփյուռքի մշակույթի և արվեստի անվանի գործիչների կողմից «Արդարությունը Հայաստանում» վերնագրված մտահոգ և տագնապալից հայտարարությունը, ինչը լիովին ներդաշնակ է «Հոգևոր Հայաստան»-ի ծրագրային գործունեությանը:

«Հոգևոր Հայաստան»-ը ողջունելով մեր հայրենակիցների այս կարևոր նախաձեռնությունը, հայտարարում է, որ Արդարության հաստատումը հիմնարար նշանակություն ունի մեր Հայրենիքի կենսունակությունն ու զարգացումն ապահովելու համար:

«Հոգևոր Հայաստան»-ը պատրաստ է «Արդարություն Հայաստանում» նախաձեռնության հեղինակների և հայոց ճակատագրերով մտահոգ մեր հայրենակիցների հետ՝ միասնաբար պայքարել Հայաստանի Հանրապետությունում հաստատելու հայության ամբողջականացումն ապահովող կառավարման այնպիսի արդար համակարգ, որը հնարավորություն կընձեռի մարդու և քաղաքացու ներուժի լիարժեք բացահայտմանը, նոր Հայաստան կերտելու երաշխիք կհանդիսանա:

Հայտարարությունը ստորագրել են`

Տիգրան Մանսուրյան – կոմպոզիտոր

Աշոտ Մելքոնյան – պատմաբան, ակադեմիկոս

Նարինե Թուխիկյան – Հ.Թումանյանի անվան տուն-թանգարանի տնօրեն,

Խաչիկ Չալիկյան - ռեժիսոր, դրամատուրգ

Կորյուն Կարապետյան– տեխնիկական գիտությունների դոկտոր

Մերուժան Կարապետյան – Հայ մատենագրության թվանշային գրադարանի (Digilib)

գիտական ղեկավար

Ռուբեն Հախվերդյան - երգահան, երաժիշտ

Եղիշե Պետրոսյան – երգահան, երաժիշտ

Նիկոլ Աղաբաբյան - գեղանկարիչ

Էդուարդ Զորիկյան - բանաստեղծ, երգահան, սցենարիստ, բեմադրիչ։