Սա ևս մեկ քայլ էր Ղարաբաղի պետականության կայացման ուղղությամբ. միջազգային դիտորդ
Ընդհանուր առմամբ այսօր Լեռնային Ղարաբաղում ընտրություններն ընթացել են նորմալ, իմ այցելած ընտրատեղամասերում ես խախտումների չեմ հանդիպել: Այսօր Ստեփանակերտում ամփոփելով ընտրական օրն՝ ասաց Մերձդնեստրի դիտորդական պատվիրակության անդամ, Մերձդնեստրի խորհրդարանի պատգամավոր Գրիգորի Յեչենկոն:
«Մի շարք, հատկապես գյուղական համայնքներում արդեն ժամը մեկին կարելի էր ասել, որ հանրաքվեն կայացել է, քանի որ մարդիկ ընտրության էին գնում մեծ խանդավառությամբ ու սա իսկապես տոն էր նրանց համար»,- ասոաց Յեչենկոն:
Նա կատակեց, ասելով, որ տեղամասերից մեկում գրանցվել է 100 տոկոսանոց մասնակցություն. «Շուշիի 10/70 տեղամասում՝ բանտում: Սա ևս մեկ քայլ էր Ղարաբաղի պետականության կայացման ուղղությամբ»:
Հիշեցնենք, որ այսօր ԼՂՀ-ում անց է կացվել Սահմանադրական հանրաքվե։ Ինչպես նշել է ԼՂՀ ԿԸՀ նախագահի տեղակալ Եղիշե Արզումանյանը՝ գրանցված 104 566 ընտրողից քվեարկությանը մասնակցել է 79 380-ը կամ ընտրողների ընդհանուր թվի 75,91%-ը:
Կարծիքներ