Ինձ կսպանեիք․ Դե Բիազին՝ ադրբեջանցի լրագրողներին
Ադրբեջանի ֆուտբոլի ազգային հավաքականի գլխավոր մարզիչ Ջանի Դե Բիազին մեկնաբանել է Եվրոպայի առաջնության ընտրական փուլում Էստոնիայի հետ տնային խաղը (1:1).
«Առաջին խաղակեսում մենք շատ վատ խաղացինք»,- ասել է իտալացի մասնագետը,-«Մենք չկարողացանք տիրել գնդակին, ճշգրիտ փոխանցումներ չկային։
Ընդմիջմանը երեք փոխարինում կատարեցինք, իսկ երկրորդ խաղակեսում լավ խաղ ցուցադրեցինք։ Եթե հենց վերջում գնդակը դիպչեր ոչ թե դարպասաձողին, այլ դարպասին, ապա մենք կարող էինք հաղթել։ Բայց հաջողություն չեղավ: Համաձայն եմ, որ առաջին խաղակեսում էստոնացիները շատ ավելի լավ խաղացին։
Մենք երկար ժամանակ խաղում ենք չորս պաշտպաններով։ Ես մտածում էի սխեման փոխելու մասին։ Բայց եթե ես փոխեի այն խաղից առաջ, և մեզ չհաջողվեր, ապա դուք ինձ կսպանեիք»:
Այնուհետև Դե Բիազին վեճի է բռնվել ադրբեջանցի լրագրողների հետ, ովքեր նրան սուր հարցեր են ուղղել։
«Նման խաղացողների հետ դժվար է կարճ ժամանակահատվածում հաջողության հասնել։
Ես կլքեմ Ադրբեջանը միայն այն դեպքում, եթե ինձ վռնդեն. Ես ինքնուրույն չեմ հեռանա»,-ասել է հանրահայտ մասնագետը։
Կարծիքներ