Լեւոն Տեր-Պետրոսյանը հոսպիտալացվել է
Մեր տեղեկություններով, ՀՀ առաջին նախագահ Լեւոն Տեր-Պետրոսյանը գտնվում է հիվանդանոցում: Նա «Բեսթ Լայֆ» հայ-ճապոնական բժշկական կենտրոնում է: Այս հիվանդանոցում աշխատող սրտաբան, տնօրենի խորհրդական Խաչիկ Համբարձումյանը Տեր-Պետրոսյանի անձնական բժիշկն է: Թերեւս դրանով է բացատրվում ԲԿ-ի ընտրությունը:
Սակայն մեզ չհաջողվեց Տեր-Պետրոսյանի գրասենյակից որեւէ հաստատում կամ հերքում ստանալ` մեր զանգերին Արման Մուսինյանը չպատասխանեց, իսկ երբ պատասխանեց` լսելով մեր հարցն, ասաց` զբաղված եմ` կզանգեմ ձեզ: Ուստի չկարողացանք ճշտել` սա պլանայի՞ն ստուգում է, թե՞ բուժման կուրս է անցնում ՀՀ նախկին նախագահը: Մեզ միայն ասացին, որ սրտի հետ կապված խնդիրներ են առաջացել:
Հ. Գ Ավելի ուշ, Արման Մուսինյանը մեկնաբանեց.
«Ի պատասխան լրատվամիջոցների հարցումների՝ հայտնում եմ. Նախագահ Լևոն Տեր-Պետրոսյանը պլանային բուժզննում է անցնում «Բեսթ Լայֆ» սրտաբանական կլինիկայում»:
Կարծիքներ