Երկու տարի առաջ ինչ ծախեցիր, ծախեցիր, հիմա խի՞ ես նորից ծախում

«Արա, երկու տարի առաջ ինչ ծախեցիր, ծախեցիր, հիմա խի՞ ես նորից ծախում, հերիք չի՞: Էս ի՞նչ ա կատարվում, մարդ բան չի հասկանում էլ, կորցրել եմ մտածելու կարողություններս, չգիտեմ էլ ինչ մտածեմ էսքանից հետո»: Այսօր մեզ հետ զրույցում ասաց բռնցքամարտի չեմպիոն Իսրայել Հակոբկոխյանն՝ անդրադանալով Ադրբեջանին հանձնվող Աղավնոյին և Բերձորին: Նրա խոսքով՝ Հայաստանում ամեն բան իրար է խառնվել, իրավիճակը սարսափելի է, թվում է այս ճահճից դուրս գալու ելք չկա:

«Օգոստոսի 23-ին միանալու եմ Էդգար Ղազարյանի շարժմանը, չգիտեմ ինչ կլինի, բայց մի բան հաստատ գիտեմ՝ չի կարելի ձեռքերը ծալած նստել ու սպասել: Պետք ա մի բան անել, ում մոտ ոնց կստացվի, ինչ կստացվի, չգիտեմ, բայց սխալ ա ձեռքերը ծալած նստել ու սպասելը: Մի բան պետք ա արվի, որ էս հոգեկան հիվանդներից ազատվենք: Երկիրն ազատագրելու համար յուրաքանչյուր հայ պետք ա օգնի մեզ, որպեսզի հնարավորինս շուտ էս իրավիճակից դուրս գանք: Եթե մեկը չի կարողանում մի նորմալ բան կազմակերպել, ապա էն կազմակերպողին էլ չպետք ա խանգարեն, այլ պետք ա օգնեն: Գյուղեր են հանձնում նորից: Ո՞վ ա սրանց էդ իրավունքը տվել: Պետք ա Նիկոլի գեները ստուգեն, հասկանալու համար, թե սա ինչ արյուն ունի: Վիզ դրած ուզում են հարյուր տարվա պատմություն ունեցող Ադրբեջանը ծաղկեցնեն: Սա շատ բան ա խոսում իրենց մասին», - նշում է նա:

Հակոբկոխյանը նաև անդրադարձավ նախորդ կիրակի օրը «Սուրմալու»-ում տեղի ունեցած պայթյունին. «Ասում են, թե էդ պայթյունը դժբախտ պատահար ա, որտեղի՞ց են էդպես վստահ: Ո՞վ ա իրենց ասել: Տենց դժբախտ պատահա՞ար ա լինում հա՞, երևի ավտովթար էր, երկու մեքենա իրար խփեցին, անցան առաջ, վերջ» ,- իր խոսքը եզրափակում է բռնցքամարտիկը: