Զոհված զինծառայողի ընտանիքում ծնված երեխաների համար դայակի գումար կտրամադրվի

Կառավարությունը պետական աջակցություն է տրամադրել վերարտադրողականության օժանդակ տեխնոլոգիաների կիրառմամբ բժշկական օգնություն ստացած՝ անհայտ բացակայող կամ մահացած ճանաչված զինծառայողի ծնողին մինչև երեք տարեկան երեխայի խնամքն իր բնակության վայրում չհաշվառված անձի՝ դայակի կամ վճարովի հիմունքներով գործող նախադպրոցական հաստատության միջոցով կազմակերպելու հարցում։

Մասնավորապես, շահառուի՝ մինչև երեք տարեկան երեխայի խնամքը կազմակերպելու համար զոհված զինծառայողի ծնողի և միասնական սոցծառայության տարածքային կենտրոնի միջև կկնքվի աջակցության տրամադրման պայմանագիր, և ծնողը հնարավորություն կունենա մինչև երեխայի մանկապարտեզ գնալը դայակ ունենալ։ Այդ նպատակով կտրամադրվի մինչև 104.000 դրամ գումար։