Ոստիկանները հետապնդել և երեք անձի բերման են ենթարկել
![Ոստիկանները հետապնդել և երեք անձի բերման են ենթարկել](https://hraparak.am/uploads/images/2022/06/image_750x_62a82ee737d2e.jpg)
Ինչպես ավելի վաղ տեղեկացրել ենք, առավոտյան ժամը 6-ին Ֆրանսիայի հրապարակում հերթական սադրանքը տեղի ունեցավ: Այս մասին Facebook-ի իր էջի ուղիղ եթերում նշել էր ԱԺ «Պատիվ ունեմ» խմբակցության պատգամավոր Աննա Մկրտչյանը:
«Ինչ-որ մեկը անարգել, ոստիկանների աչքի առաջ կարողացավ ճեղքել բազմաթիվ ոստիկանների եւ կարմիր բերետավորների շղթան ու քշել վրանի վրա, որի մեջ քաղաքացիներ կային: Որեւէ հնարավորություն չկար հասկանալու, թե ինչ վնաս կարող էր հասցվել քաղաքացիներին:
Այս ամբողջ ընթացքում որեւէ ոստիկան չի ֆիքսել մեքենայի համարը, չի կարողացել այդ անօրինական գործողությունը կասեցնել: Այդ մարդը անարգել քշել է վրանի վրա: Դե պատկերացրեք, թե ինչ կլիներ քաղաքացիների հետ էդ վրանում: Հիմա փորձում են պարզել, հուսանք, կկարողանան այսքան բազմաթիվ տեսախցիկների մեջ այդ հարցը լուծել»:
ՀՀ Ոստիկանության հանրային կապերի եւ լրատվության վարչությունից Hraparak.am-ին հայտնեցին, որ տեղում ծառայություն իրականացնող ոստիկանները հետապնդել և Մերսեդես մակնիշի մեքենայով երեք անձի բերման են ենթարկել Կենտրոնական բաժին։ Նախապատրաստվում են նյութեր։
Կարծիքներ