Ռուսական սոցցանցերն ամբողջությամբ արգելափակել հնարավոր չէ՝ Ուկրաինայի նախագահի աշխատակազմ

Ուկրաինայի կառավարությունը հնարավորություն չունի երկրի տարածքում ամբողջությամբ շրջափակելու ռուսական սոցցանցերի հասանելիությունը, ապագայի ուկրաինական ինստիտուտում կազմակերպված կլոր սեղանի ժամանակ հայտարարել է նախագահի ադմինիստրացիայի ղեկավարի տեղակալ Դմիտրի Շիմկիվը:

«Տեխնոլոգիական առումով, մենք պետք է դա հասկանանք, իրականում հնարավոր չէ 100 տոկոսով արգելափակել ռուսական սոցցանցերը: Դա փաստ է, որ բոլորին է հայտնի»,- նշել է Շիմկիվը:

Նրա խոսքով, սակայն, url, dns-ի և թրաֆիկի ղեկավարման միջոցով հնարավոր է ВКонтакте սոցիալական կայքի ուկրաինացի օգտատերեի 60 տոկոսին հեռու պահել այդ կայքից:

Պաշտոնյան նշել է նաև, որ ռուսական սոցցանցերի դեմ կիրառված պատժամիջոցներն արդեն նկատելի արդյունք են տվել: