Քսաներկու զոհ եւ հիսունինը վիրավոր Մանչեստերի պայթյունի հետեւանքով. (տեսանյութ)

Հզոր պայթյունը ցնցեց երեկ գիշեր բրիտանական Մանչեսթեր քաղաքի մարզադաշտը, որտեղ տեղի էր ունենում ամերիկացի հանրահայտ երգչուհի Արիանա Գրանդեի համերգը:

Վերջին տվյալների համաձայն, պայթյունին զոհ է գնացել քսաներկու մարդ, եւս հիսունինը վիրավորվել են տարբեր ծանրության մարմնական վնասվածքներով: Եվրոպան կրկին շոկ ապրեց կատարվածից: Բրիտանական իշխանությունները միանգամից հայտարարեցին, որ պայթյունն իրականացրել է մահապարտ ահաբեկիչը ինքնապայթեցմամբ եւ կատարվածը ահաբեկչական բռնարարք է: 1

995-ին կառուցված մարզադաշտը հաշվարկած է 21 հազար հանդիսատեսի համար եւ ծածկ ունեցող ամենից մեծ մարզադաշտն է Եվրոպայում: 2005-ին մետրոյում տեղի ունեցած ահաբեկչությունից հետո, որին զոհ էր գնացել հիսուն մարդ, սա ամենից սարսափելին էր Մառախլապատ Ալբիոնում: The Guardian-ը գրում է որ մի խումբ երիտասարդներ իրենց փոխանցել են տեղեկություններ այն մասին, որ առնվազն հինգ արյունահոսող մարդկանց են տեսել: Ըստ փոխանցված տեղեկություններ սկսվել է խուճապ, մարդիկ նույնիսկ իրար են կոխկրտել: BBC 5-ի փոխանցմամբ մարդիկ կարծել են թե զինված ահաբեկիչ կա տարածքում եւ ընկել են գետնին փորձելով այդպես պատսպարվել: Sky News-ն էլ հաղորդում է, որ իրավիճակը ներկայումս արդեն հսկողության տակ է: Լոնդոնի Ոստիկանության ներկայացուցիչ Իեն Հոպկինսը հայտարարել է արդեն, որ ամենայն հավանականությամբ բռնարարքը մեկ հոգու ձեռքի գործ է թեեւ իրականացվում է մանրակրկին հետաքննություն հանգամանքները եւ հնարավոր հանցակիցներին բացահայտելու համար: Միացյալ Թագավորության ՆԳ նախարար Ամբեր Ռադդն էլ կատարվածը որակել է որպես բարբարոսական գործողություն: Իր գնահատականն է տվել նաեւ Մեծ Բրիտանիայի վարչապետը, կատարվածը որակելով որպես սարսափելի ահաբեկչություն:Ցավակցական եւ զորակցության խոսքեր եւ ուղերձները արդեն հղվում են Միացյալ Թագավորությանն ու բրիտանացի ժողովրդին:

Մոսկվա, Վաշինգտոն, Փարիզ, Պեկին եւ մյուս մայրաքաղաքներն արդեն դատապարտել են կատարվածը եւ հայտարարել, որ մտորելու առիթ ունեն գլոբալ ահաբեկչության հակազդման ուղղությամբ ջանքերի մեկտեղման եւ գործակցության հարցում: