Նոր մանրամասներ` Հովիկ Աբրահամյան-Ռոբերտ Քոչարյան հանդիպումից

Նոր մանրամասներ են հայտնի դառնում Հովիկ Աբրահամյան-Ռոբերտ Քոչարյան ինքնաթիռային հանդիպման մասին: Ըստ ականատեսների` թռիչքի երեքուկես ժամվա ընթացքում նրանք գրեթե բան չեն պահանջել ուղեկցորդուհիներից, չեն ճաշել, սակայն մերթընդմերթ Ռոբերտ Քոչարյանն իր ձեռքի պայուսակից հանել է իր «այփադը», դրա վրա ինչ-որ բան ցույց տվել Հ. Աբրահամյանին: Վերջինս նայել-ուսումնասիրել է ցույց տրվածը, գլխով արել, ապա Քոչարյանն այն դրել է պայուսակը, հետո էլի հանել: Հումորի զգացողությունից ոչ զուրկ ԱԺ պատվիրակության անդամները կատակում էին` հնարավոր է երկրորդ նախագահը Տանզանիայում արած իր որսի նոր նկարներն էր ցույց տալիս Հ. Աբրահամյանին: