Մուկուչյանի կնիքին տուալետի թուղթը լայեղ չի՞…
hraparak
18 Փետրվար 2013 | 09:00
0
Ընտրական տեղամասում մի պահ ինձ թվաց, թե ընտրողները խաշ ուտելու հրավիրյալներ են… Միայն խաշ ուտելու ժամանակ են հրավիյալները ձեռքներին թաց անձեռոցիկ ունենում: «Լավ տեղ եմ ընկել,- մտածեցի,- առավոտ կանուխ խաշ են հյուրասիրում, ապրի ՀՀԿ-ն»: Բայց մուրազս փորումս մնաց, երբ մեկը բացատրեց. «Ասում են Մուկուչյանի կնիքը սաֆերտկով մաքրվում է պասպորտի միջից, փորձում ենք»: Վախեցա՝ հանկարծ համազգային շաբաթօրյակ չսկսվի՞… Կոնստանտին Տեր Նակարյանը ճիշտ է նկատում. «Մուկուչյանի գլխին թանաքի հարցը գալովի ա... էդ մարդը վերջը գժվելու ա ու առաջարկի սեպագիր արձանագրություններով նշել անձնագրերում ընտրությունների մասնակցության փաստը։ՃՃՃՃՃ»: Հետաքրքիրն այն է, որ խուլ գյուղերում սաֆերտկի փոխարեն տուալետի թուղթ են օգտագործում, ասելով՝ Մուկուչյանի կնիքին տուալետի թուղթը լայեղ չի՞, որ սաֆերտկա են փչացնում:
Հասմիկ ԲԱԲԱՋԱՆՅԱՆ
Կարծիքներ