Եկեք մի պահ ենթադրենք, որ վաղը ընտրություններն են...
«Նոր քաղաքական մշակույթ» կուսակցության ղեկավար Անի Զախարյանն իր ֆեյսբուքյան էջում գրել է.
Եկեք մի պահ ենթադրենք, որ վաղը ընտրություններն են... Հետաքրքիր է ՀՀ քաղաքացիների քանի տոկոսը կգնա ընտրության քաղաքացիական գիտակցության բարձր աստիճանով և իր կատարած քայլի նկատմամբ պատասխանատվության զգացումով և քանի տոկոսը միայն այն բանի համար, որ ՀՀԿ-ն կամ ԲՀԿ-ն 5000 կամ 10000 դրամ են բաժանել և վախեցրել, որ եթե ձայներդ մեզ չտաք, ձեր մեքենաների անիվները կծակենք կամ ձեր գրպանը թմրանյութ կգցենք և գլխներիդ կսարքենք:
Եթե 5000 դրամը բաժանենք 365-ի, ապա ստացվում է մոտ 14դրամ, այսինքն օրական 14 դրամ: Դուրս է գալիս, որ երկրում ունենք հասարակական մի մեծ զանգված, ով օրական 14 դրամով պատրաստ է վաճառել իրեն, իր ընտանիքը, իր երկիրը և հետո 5 տարի կքել գազի, լույսի, տրանսպորտի, մնացած սպասարկման վճարների սոցիալակն բեռի տակ ու ողջ օրը հայհոյել այն իշխանություններին, ովքեր օրական 14 դրամով գնել են իրենց: Իսկ եթե մի բան գնում ես, ապա նրա հետ կարող ես վարվել այնպես, ինչպես կցանկանաս: Այնպես որ, սիրելի 14 դրամանոց ՀՀ քաղաքացիներ, մի բողոքեք, այլ մտածեք այն ամենի մասին, ինչ ինքներդ եք վաստակել ձեր անգիտակից քայլերի շնորհիվ:
Կարծիքներ