Առաջարկում են Իրանին ևս ներգրավել «Իսլամական պետություն» խմբավորման դեմ գործողություններին
Գերմանիայի արտգործնախարար Ֆրանկ Վալտեր Շթայնմայերը կարծում է, որ միջազգային հանրությունը պետք է Իրանին ևս ներառի «Իսլամական պետություն» ահաբեկչական խմբավորման դեմ պայքարում: Նման հայտարարությամբ Գերմանիայի ԱԳՆ ղեկավարը ելույթ է ունեցել Նյու Յորքում, գրում է ИТАР-ТАСС-ը:
«Բոլոր բարդություններով հանդերձ, որոնք մենք դեռևս ունենք Իրանի հետ հարաբերություններում և ատոմային ոլորտում նրա ամբիցիաներով հանդերձ, ես հակված եմ այն կարծիքին, որ մենք պետք է ներգրավենք Իրաքին և Սիրիային հարևան բոլոր երկրներին»,- ասել է նա:
«Ես հույս ունեմ, որ մեզ կհաջողվի ներառել նաև Իրանին»,- ընդգծել է նախարարը:
Կարծիքներ