Հովիկ Աբրահամյան՝ մեր մի քիչ անտեղյակ, մի քիչ լավատես վարչապետը

ՀՀ վարչապետ Հովիկ Աբրահամյանն այսօր Հայաստանի հանրապետական կուսակցության Գործադիր մարմնի նիստից առաջ պատասխանել է լրագրողների որոշ հարցերի:

Վարչապետ նշել է, թե տեղյակ չէ, որ ֆինանսների նախկին նախարար Դավիթ Սարգսյանի կինը, որպես հետծննդյան գումար, ստացել է 20 միլիոն դրամ: Նշենք, որ այդ մասին ավելի վաղ գրել էին թերթերը:

Հարցին, թե ռուսական շուկա հայկական գյուղմթերք արտահանելու համար հանձնաժողով է ստեղծվել, ի՞նչ փուլում են այդ հանձնաժողովի աշխատանքները, Հովիկ Աբրահամյանը պատասխանել է. «Մենք աշխատում ենք, բոլոր պատկան մարմինները աշխատում են: Մենք աջակցելու ենք մեր արտադրողին և փորձելու ենք ծավալները մեծացնել և հայկական ապրանքներ ատահանել Ռուսաստան, Ղազախստան, Բելառուս: Իմ կարծիքով՝ այդ ոլորտում մենք ունենալու ենք հաջողություններ»: