Արտգործնախարար Նալբանդյանը մասնակցել է Փարիզում կայացած միասնության երթին
ՀՀ արտգործնախարար Էդվարդ Նալբանդյանը Փարիզում այսօր մասնակցել է ահաբեկչության և անհանդուրժողականության դեմ պայքարում միջազգային հանրության միասնությունը խորհրդանշող միասնության երթին՝ նվիրված Ֆրանսիայի մայրաքաղաքում հունվարի 7-9-ը իրականացված ահաբեկչությունների զոհերի հիշատակին։
Այս մասին հայտնում են ՀՀ արտգործնախարարության մամուլի ծառայությունից:
Երթին մասնակցելու նպատակով Փարիզ են ժամանել շուրջ հինգ տասնյակ պետությունների, կառավարությունների և միջազգային կազմակերպությունների ղեկավարներ, արտգործնախարարներ։
Երթից առաջ Ելիսեյան պալատում պատվիրակությունների ղեկավարներին ընդունել է Ֆրանսիական Հանրապետության նախագահ Ֆրանսուա Օլանդը։ Հայաստանի արտաքին գործերի նախարարը, Ֆրանսիայի ղեկավարին փոխանցելով ՀՀ Նախագահի ցավակցությունները, հայ ժողովրդի զորակցությունը և համերաշխությունն է հայտնել բարեկամ Ֆրանսիայի ժողովրդին և իշխանություններին։
Կարծիքներ