Հայաստանի ճարտարագիտական ակադեմիային կհատկացվի 10 միլիոն դրամ
hraparak
8 Հոկտեմբեր 2015 | 08:50
0
Կառավարության հերթական նիստին այսօր ՀՀ կրթության և գիտության նախարար Արմեն Աշոտյանը ներկայացրեց ՀՀ կրթության և գիտության նախարարության գիտության պետական կոմիտեի՝ ՀՀ 2015 թվականի պետական բյուջեի միջոցներից «Հայաստանի ճարտարագիտական ակադեմիա» հասարակական կազմակերպությանը գումար հատկացնելու մասին որոշման նախագիծը:
Նա նշեց, որ որոշման համար հիմք է հանդիսացել Հայաստանի ճարտարագիտական ակադեմիայի պատվավոր նախագահ ՀՀ ԳԱԱ ակադեմիկոս Սերգեյ Համբարձումյանի դիմումը՝ առ այն, որ կազմակերպությունը գտնվում է ծանր ֆինանսական կացության մեջ, և հետագա բնականոն գործունեությունը շարունակելու համար անհրաժեշտ է ֆինանսական օժանդակություն:
Այսպիսով կառավարությունը որոշում կայացրեց կրթության և գիտության նախարարության գիտության պետական կոմիտեի 2015 թվականի պետական բյուջեի միջոցներից Հայաստանի ճարտարագիտական ակադեմիահասարարակական կազմակերպությանը հատկացնել տասը միլիոն ՀՀ դրամի չափով գումար:
Կարծիքներ