Մակրոնը ցուցարարների դեմ զորք չի հանի 

Ֆրանսիայի նախագահ Էմանյուել Մակրոնը Բրյուսելում լրագրողների հետ հանդիպման ժամանակ հայտարարել է, որ իրականությանը չեն համապատասխանում լուրերն այն մասին, որ ինքը պատրաստվում է «դեղին ժիլետավորների» դեմ հանել զինվորականների։ Այս մասին հայտնում է AFP-ն։ «Կպահպանեմ այն նույն կանոնները, որոնք սահմանվել են անցյալ տարվա դեկտեմբերին եւ նույնիսկ ավելի վաղ»,- մանրամասնել է նախագահ Մակրոնը։ Ֆրանսիայի նախագահը հավելել է, որ զինվորականները, որոնք ներգրավված են եղել «Սանտինել» գործողությանը, կզբաղվեն ահաբեկչության դեմ պայքարով եւ հատուկ կարեւորության օբյեկտների պահպանությամբ։ Ոստիկանությունն էլ կզբաղվի ցույցերի ընթացքում կարգուկանոնի պահպանությամբ։