Բողոքի ցույցեր Ալաբամայում՝ սեւամորթի սպանության պատճառով

Զանգվածային բողոքի ցույցեր են սկսվել ԱՄՆ Ալաբամայում այն բանից հետո, երբ տեղի ոստիկանների կողմից սպանվել էր 21 տարեկան աֆրոամերիկացի։ Այս մասին հայտնում է CBS News-ը։ Հիշեցնենք, որ դեպքը տեղի է ունեցել Հուվեր քաղաքում Riverchase Galleria առեւտրի կենտրոնում տեղի ունեցած հրաձգության ժամանակ։ Ոստիկանական տեղեկագրերից պարզ է դառնում, որ ոստիկանները հրաձգության վայր հասնելիս լիկվիդացրել են 21 տարեկան Էմանտիկ Ֆիցջերալդ Բրեդֆորդին, ով իբրեւ թե օգում ատրճանակ է թափահարել։ Դեպքից երկու օր անց ոստիկանները հայտնել են, որ սեւամորթ երիտասարդը մասնակից է եղել հրաձգությանն ամենայն հավանականությամբ, սակայն կրակ նա չի բացել, իսկ թե ով է եղել հրաձգության հեղինակը, դեռեւս պարզ չէ։ Դեպքի հետ կապված նոր մանրամասների ի հայտ գալուց հետո էլ Ալաբամայում սկսվել են բողոքի ակցիաները։ Ցուցարարները պահանջել են ոստիկանությունից դեպքի առնչությամբ իրականացնել մանրակրկիտ, անաչառ ու բազմակողմանի քննություն։