Ռուսները տարածքային ձեռքբերումներ ունեն Բախմուտում․ ISW
Ռուսական զորքերը Բախմուտում որոշակի տարածքային նվաճումներ են արձանագրել։
Գեոլոկացիոն կադրերը ցույց են տալիս, որ վագներցիները Բախմուտում ավելի են շարժվել դեպի արևմուտք։
Այս մասին ասվում է Պատերազմի ուսումնասիրման ինստիտուտի (ISW) վերջին զեկույցում։
Վերլուծաբանները նշել են, որ ռուսները շարունակում են գրոհել ուկրաինական դիրքերի վրա արևմտյան և հարավային Բախմուտում։
Միևնույն ժամանակ, ինչպես նշում են վերլուծաբանները, ռուսական հրետանային կրակը Բախմուտում չի նվազել՝ չնայած տարածքում «արկերի պակասի» մասին հայտարարություններին։ Նշվում է, որ ռուսական զորքերը դեռ հույս ունեն մինչև մայիսի 9-ը գրավել քաղաքը։
Կարծիքներ