Թվե՛ք 11000 «դասալիքներին»

1. Թվե՛ք 11000 «դասալիքներին»։ Անուն ա՛ռ անուն։

2. Ցույց տվեք, թե նախորդ 2,5 տարում նրանց պատասխանատվության ենթարկելու համար ինչ իրավական քայլեր են ձեռնարկվել։

3. Շրջափակվելուց ձեր «փրկած» 25-30 հազարանոց զորքի քանի՞ տոկոսն էին այս «դասալիքները»։

4. Ցույց տվեք, թե ինչպես հաշվեցիք այդ 11 000 դասալիքներին, երբ մինչև հիմա պաշտոնական հստակ թիվ չունեք 44-օրյա պատերազմում զոհվածների վերաբերյալ։

5. «Դասալիքների» մասին ոչ իրավասու անձի կողմից հայտարարությունը.
ա) քաղաքացիական անձի կողմից գաղտնի տեղեկատվության հրապարակայնացում է,
կամ՝
բ) միտումնավոր ստի, ապատեղեկատվության և զրպարտության տարածում հանրության մեջ։
Երկու դեպքում էլ օրենքով պատժելի արարք է։

6. Հայոց բանակը միտումնավոր վարկաբեկելու գործողությունները բնորոշ են թշնամուն և նրանց գործակալներին։ Մի կողմից խոսել սպասվող հնարավոր ռազմական գործողությունների մասին, իսկ զուգահեռ մյուս կողմից՝ բանակը վարկաբեկելու և արժեզրկելու  քայլեր կատարելը չեն կարող պատահականության ու անգրագիտության հետևանք լինել։

Արթուր Եղիազարյան