Ինչի համար հեղափոխություն էինք արել, նորից նույն բանի համար հավաքվել ենք ու զբաղվում ենք այդ խնդիրներով
Օղակաձև այգին իրենից ներկայացնում է 6 հատված, թեև առաձին են, բայց ամբողջություն են և չի կարելի ամեն հատվածը դիտարկել առանձին-առանձին։ Բոլոր կանաչ տարածքները, որոնք դեռ Երևանին են պատկանում և սեփականշնորհված չեն, չեն կարող տրվել մասնավոր հատվածների, 90 տարի վարձակալությունն էլ սեփականություն է: Այս մասին այսօր՝ հունվարի 30-ին, Երևանի քաղաքապետարանում Օղակաձև այգու 4-րդ գոտու ճակատագրի վերաբերյալ հանրային լսումների ժամանակ հայտարարել է Երևանի նախկին քաղաքապետ Հայկ Մարությանը։
«Իրականում բոլոր երազանքները և նպատակները, որ մենք դրել էինք 2018-ին, շատ արագ հօդս ցնդեցին և մենք նորից նույն տաշտակի առաջ ենք հայտնվել, նորից պայքար ենք մղում: 2018 թվականից ի վեր, վեց տարի անց, նորից հավաքվել ենք և զբաղվում ենք այն խնդիրներով, ինչի համար 2018-ին հավաքվել էինք ու հեղափոխություն էինք իրականացնում»,- ասաց նա:
Կարծիքներ