Բողոքի անհնազանդության ակցիա՝ մետրոյում

«Դիմադրություն» շարժման մասնակիցներն այսօր՝ մայիսի 12-ին հերթական բողոքի անհնազանդության  ակցիան են իրականացրել, այս անգամ Երևանի Մետրոպոլիտենում։                 Նիկոլ Փաշինյանի նկարը գցելով գետնին կանգնել են նկարի վրա ու մետրոյում վանկարկել՝ «Առանց Նիկոլ» և «Առանց թուրքի Հայաստան»։                                                                                                        

Հիշեցնենք նաև, որ երեկ կեսօրից ընդդիմադիրները մեկնարկել էին ավտոերթ՝ Նիկոլ Փաշինյանի հրաժարականի պահանջով, որը շարունակվեց նաև այսօր։                                                                        

Ինչպես նաև, երեկ մոտ մեկ ժամով Դիմադրության շարժման մասնակիցների կողմից շրջափակվեց Երևանի քաղաքապետարանի շենքը, նրանց նպատակը շենք մտնելը չէր, այլ քաղաքապետարանի աշխատակիցների ուշադրությունը հրավիրելը այս համազգային շարժմանը, ինչպես նաև կոչը, որ միանան իրենց։                                                                                                                                              

Քիչ հետո՝ 16։00-ին  Ֆրանսիայի հրապարակում մեկնարկելու է ընդդիմադիրների հերթական հանրահավաքը։