Սնուփ Դոգի համերգն ու Մյուռոնօրհնեքը 

Սնուփ Դոգի համերգի համար ռուսական տուրիստական օպերատորները տուրփաթեթներ են առաջարկում։ Որոշակի հետաքրքրվածություն կա նաեւ Վրաստանում։ Պատասխանատուները բավականին լավատեսական եւ հուսադրող հայտարարություն են անում, որ կառավարության հատկացրած 6 միլիոն դոլարը հնարավոր կլինի հետ բերել։ Նշվում է նույնիսկ, որ միայն հարկերի տեսքով 2 միլիոն դոլարը կվերադարձվի։ 

Հոկտեմբերի 1-ին Հայաստանում տեղի է ունենալու Մյուռոնօրհնեք։ Այն քրիստոնեական աշխարհում բավական նկատելի իրադարձություն է, որը կատարվում է 7 տարին մեկ անգամ։ Միաժամանակ՝ Մյուռոնօրհնեքը զուռ հայկական միջավայրի համար, կամ այսպես ասենք՝ Հայկական աշխարհի համար չափազանց կարեւոր նշանակություն ունեցող կրոնական իրադարձություն է։ 

Աշխարհում տուրիզմի ոլորտում բավական լուրջ զարգացում է նկատվում կրոնական տուրիզմի ոլորտում։ Այն որ Հայաստանը չափազանց լուրջ ներդրուժ ունի կրոնական տուրիզմի ոլորտում, կարծես թե վիճարկման ենթակա հարց չէ։ Եւ ուրեմն՝ ինչ է արվում, որպեսզի Մյուռոնօրհնեքն էլ նշանարվորվի այնպես, ինչպես որ նշանավորվում է Սնուփ Դոգի համերգը։ Գուցե շատերը համեմատությունը ոչ տեղին համարեն, կամ ասեն, որ չի կարելի կրոնական իրադարձությունը վերածել շուկայական արժեքի, դարձնել բիզնես ․․․ դա էլ կարծիք է, որը պետք է լսել, մոտենալ այդ կարծիքին հարգանքով, բայց եւ առաջ մղել սեփական կարծիքը։ Հետեւաբար, նորից ենք կրկնում ինչ է արվում Հայաստանում կրոնական տուրիզմի զարգացման ուղղությամբ եւ առաջիկա հոկտեմբերի մեկին տեղի ունենալիք Մյուռոնօրհնեքի արարողության առնչությամբ