Սահակաշվիլիին առայժմ տուգանք է սպառնում՝ 325 դոլարի չափով
hraparak
18 Սեպտեմբեր 2017 | 19:55
0
Լվովի մարզային դատարանը սեպտեմբերի 22-ին կշարունակի Վրաստանի նախկին նախագահ, Օդեսայի նախկին նահանգապետ Միխեիլ Սահակաշվիլիին վարչական պատասխանատվության ենթարկելու մասին գործի քննությունը: Նախկին պաշտոնյան մեղադրվում է Ուկրաինայի սահմանը ապօրինի հատելու մեջ, ինչի համար նրան սպառնում է տուգանք՝ 325 դոլարի չափով:
Սահակաշվիլիի պաշտպան Մարկիյան Գալաբալան РИА Новости-ի հետ զրույցում կարծիք է հայտնել, որ Ուկրաինայի իշխանությունները, օգտվելով դատարանի որոշումից, կարող են քաղաքական գործչին երկրից արտաքսելու մեխանիզմ գործի դնել՝ որպես քաղաքացիություն չունեցող անձի, ով թույլ է տվել վարչական խախտում:
Դատարանը նշված գործով քննությունը սկսել է սեպտեմբերի 18-ին:
Կարծիքներ