Աշխարհի վերջի վերջը
hraparak
21 Դեկտեմբեր 2012 | 06:55
0
ԲԱԳՐԱՏՅԱՆԸ՝ «ՖԵՅՍԲՈՒՔԻՑ»Բագրատյանը «Ֆեյսբուքի» իր պատի վրայից ձայն է տվել կուսակիցներին, որ դեկտեմբերի 24-ին սրանք հավաքվեն խուլ-համրերի մշակույթի տան դահլիճում՝ իրեն նախագահի թեկնածու առաջադրելու նպատակով:
«Շատ կարեւոր հարց է քննարկվելու, ոչ մեկդ չբացակայեք»,- հորդորել է կուսակցապետ Բագրատյանը: Նշված մշակույթի տան աղբյուրը մեզ ոտքով-ձեռքով հասկացրեց, որ խոսքը ոչ այնքան Բագրատյանի առաջադրման մասին է, որքան Լեւոն Տեր-Պետրոսյանին եւ ՀՀՇ համագումարին թասիբի գցելու:
ՏԵՐ-ՊԵՏՐՈՍՅԱՆԸ ՀԱԿ-ԻՆ՝ ՀԱՅԿՈՅԻ ՈՃՈՎ
- Բայց ոնց եմ ես ձեզանից զզվուուուում…
ԿԱՐՈՂ Ա՞
Կարող ա՞ Զուրաբյանը, իմանալով, որ Լեւոն Տեր-Պետրոսյանը չի առաջադրվելու, Օսկանյանի հետ զրույցում հատուկ նշեց Բագրատյանի անունը՝ որպես Մարտի 1-ը հետապնդող գործչի, որ մի լաաաավ «գաղտնալսվի» ու տարածվի: Բագրատյանը, փաստորեն, իր ընտրարշավում կարող է օգտագործել այդ ձայնագրությունը՝ որպես քարոզչական նյութ: Կարող ա:
ԻՍԿ ԿԱՐՈՂ Ա՞
Թոխմախի Մհերն այնքան վատ տրամադրություն ուներ այդ օրը, որ ՀՀԿ-ից ով էլ ձեռքի տակ ընկներ՝ տար-ծնոտը պոկեր: Կարող ա:
ՉԷ, ԴՈՒՔ ԷՆ ԱՍԵՔ, ԿԱՐՈՂ Ա՞
Հովիկ Աբրահամյանը կամ նրանից ավելի բարձր մեկը խոսի Թոխմախի Մհերի հետ, ու Թոխմախի Մհերը դառնա Նեմեց Մհեր: Կարող ա:
ԵՎ ՎԵՐՋՈՒՄ՝ ԿԱՐՈՂ Ա՞
Դեկտեմբերի 21-ի առավոտյան մայաների պատճառով Հայաստանի Հանրապետությունում ընդամենը մեկ կուսակցություն մնացած լինի՝ ԲՀԿ-ն: Գագիկ Ծառուկյանն ինչ-որ կասկածելի գործերի մեջ է: Բունկեր է շինում, ինչ է անում: Եթե «Հրապարակի» այս համարը միայն ԲՀԿ-ականները կարդան, ուրեմն՝ կարող ա:
Էդիկ ԱՆԴՐԵԱՍՅԱՆ
Կարծիքներ