Երգիչ Հայկոն տուգանվել է... Ներսիկ Նազարյանի՞ պատճառով (լուսանկար)

Երգիչ Հայկոն իր ֆեյսբուքյան էջում այսօր գրել է. «Էս կամերաները կոնկրետ ընկել են իմ հետևից: Փաստորեն Հյուսիսային պողոտայի «Մոսկվիչկայի» մոտ չի կարելի կանգնել. 5000 դրամ»: Այնուհետև Հայկոն տեղադրել է իր տուգանքի կտրոնի լուսանկարը:



Hraparak.am.-ը պարզեց, որ իսկապես, «Մոսկվիչկայի» մոտ այժմ թույլատրվում է կանգնեցնել ընդամենը 4 մեքենա, մինչդեռ խանութը մեծ է և ենթադրում է շատ ավելի այցելուների փոխադրամիջոցների կայանման անհրաժեշտություն: Խանութի աշխատակիցները հաստատեցին, որ վերջին շրջանում առևտրի ծավալները նվազել են: Սրա հետ մեկտեղ այցելուներից շատերը դեռ տեղյակ չեն փոփոխության մասին և ակամա դառնում են զանցառուներ: Վերջին 2 օրերի ընթացքում տասնյակ քաղաքացիներ են տուգանվել նմանօրինակ խախտումի համար:



Կանգառի սահմանափակման փաստը առիթ է տվել շատերին ենթադրելու, որ այս բանն այլ շարժառիթ չունի, քան վնասել Երևանի նախկին ոստիկանապետ Ներսիկ Նազարյանին, ով «Մոսկվիչկայի» փաստացի սեփականատերն է: