Ես քեզանից եմ ինքնապաշտպանվում, դու ումի՞ց ես ինքնապաշտպանվում

Բնության մեջ նման դեպք պատկերացնու՞մ եք. «Վոլկը գա ու ասի՝ զայչիկին ինքնապաշտպանության նպատակով կերա, հարձակվել էր վրես, ուզում էր ինձ ուտի: Զայչիկը որ լեզու ունենա  ի՞նչ կասի՝ ես քեզանից եմ ինքնապաշտպանվում, դու ումի՞ց ես ինքնապաշտպանվում»: Նույնը տեղափոխենք հասարակություն: Է՜, որ դատախազը չէ, Գերագույն դատախազն էլ ասի՝ որ Բուդաղյաններին ինքնապաշտպանության նպատակով են կրակել, ո՞վ կհավատա: Զարմանու՞մ եք, որ հանրությունն ասում է՝ մեկը պիտի Լիսկայից ինքնապաշտպանվի, ինքը ումի՞ց է ինքնապաշտպանվում: Էս գործի վրա մի շատ բնորոշ անեկդոտ եմ հիշում. «Մարդամեկը տղուն ամուսնացնում է, բայց մի քանի տարի երեխա չի լինում: Վերջը հայրն ասում է՝ այ բալա, խի՞ չես մի երեխա ունենում: Տղան ասում է՝ պապա, ինքնապաշտպանվում եմ: Հայրը բարկանում է ՝ արա, ես քեզ ուղարկել եմ հարձակվելու՞, թե՞ ինքնապաշտպանվելու համար»: Բա դուք ինքնապաշտպանվող տղե՞րք եք,ամոթ չի՞, այդ հոդվածով ազատվում եք, դուք միշտ եղել ու հայոց պատմության մեջ կմնաք որպես հարձակվող տղերք: Հիմա ում ինչ եք համոզում: Երբ որ մարդիկ կհամոզվեն, որ  գայլը զայչիկին ինքնապաշտպանության նպատակով  է ուտում, էն ժամ էլ մարդիկ կհավատան դատախազի խոսքին: Ավելի լավ չի լինի այդքան գլուխ արդուկելու տեղ, ասվի՝ հաջորդ ինքնապաշտպանությու՞նն ում շուրջն է լինելու…

ՀԱՍՄԻԿ ԲԱԲԱՋԱՆՅԱՆ