Լուկաշենկոն առաջարկում է Եվրասիական տնտեսական միության ստեղծումը հետաձգել 10 տարով
hraparak
30 Ապրիլ 2014 | 13:29
0
Բելառուսի նախագահ Ալեքսանդր Լուկաշենկոն առաջարկել է Եվրասիական տնտեսական միության ստեղծումը հետաձգել 10 տարով։
Լուկաշենկոյի խոսքով՝ Եվրասիական միությունը պետք է ձևավորվի փոխադարձ առևտրային հարաբերությունների գծով սահմանափակումների բացակայության սկզբունքի հիման վրա։ Եվ եթե Ռուսաստանն ու Ղազախստանը դրան պատրաստ չեն, ապա այս ինտեգրացիոն միավորման հարցին պետք է անդրադառնալ տաս տարի հետո։
Այս մասին Լուկաշենկոն հայտարարել է ապրիլի 29-ին Մինսկում կայացած Եվրասիական Գերագույն տնտեսական խորհրդի ժամանակ, հայտնում է «Ռեգնում» գործակալությունը։
«Մեզ առաջարկում են այսօր չլուծված թողնել այն խնդիրները, որոնք պետք է լուծվեին դեռ նախորդ փուլերում։ Մեր հաստատուն կարծիքով՝ մենք պետք է դուրս գանք որոշակի սահմանների վրա, որոնցից մեկը բազմաձևաչափ Մաքսային միությունն է։ Դրա անդամների միջև չպետք է լինեն սահմանափակումներ՝ ապրանքների շրջանառության մեջ, ինչքան էլ որ դրանք զգայուն լինեն»,- հայտարարել է Լուկաշենկոն։
Կարծիքներ