Վոլոդյա Ավետիսյանին ՝6 տարի ազատազրկում
Երեւանի Արաբկիր և Քանաքեռ Զեյթուն համայնքների ընդհանուր իրավասության դատարանում հրապարակվեց ազատամարտիկ Վոլոդյա Ավետիսյանի դատավճիռը:
Մինչ դատական նիստի սկիզբը դատարանի դահլիճում գտնվողները երգում էին ազգագրական-հայրենասիրական երգեր: Երբ դահլիճ բերեցին Վոլոդյա Ավետիսյանին նրանք ոտնկայս ծափահարեցին: Վերջին խոսքի իրավունքը տրվեց ամբաստանյալին: Նա դիմեց բոլորին՝ մարտական ընկերներին եւ դահլիճում ներկա գտնվողներին:
«Արդեն 9 ամիս է, որ այստեղ եմ, ես մեղավոր չեմ, որ ստեղ եմ, ռեժիմն է մեղավոր, համակարգն է մեղավոր: Կոչ եմ անում համայն հայությանը՝ գան տեր կանգնեն մեր երկրին: Հայաստան առանց հայերի՝ սա է նպատակը, ես պայքարելու եմ մեր սերունդների համար»,-ասաց նա:
Ավետիսյանի վերջին խոսքը ընդունվեց ծափահարություններով: «Հերոս, հերոս»,-վանկարկում էին դատարանում հավաքվածները:
Դատավոր Լեւոն Ավետիսյանը, վերադառնալով խորհրդակցական սենյակից՝ հրապարակեց վճիռը՝ Վոլոդյա Ավետիսյանին դատապարտել 6 տարվա ազատազրկման եւ բռնագանձել 2 հազար դոլար:
Ամբաստանյալի հարազատներն ու ընկերները վճռի հրապարակումից հետո սեռական բնույթի հայհոյանքներ էին հնչեցրին դատավորի հասցեին:
Նշենք, որ դատարանի բակում էին նաև Վոլոդյա Ավետիսյանի 3 անչափահաս երեխաները։
Կարծիքներ