Սոթքի գյուղացիները սարսափած են, գայլերը հարձակվել են

Գեղարքունիքի մարզի Սոթք գյուղում փոքրից մեծ վախենում են միայնակ դուրս գալ փողոց, նրանք մի քանի օր շարունակ լսում են, որ գայլը հարձակվել է ոչխարների վրա ու հոշոտել։ Այս գիշեր հերթական դեպքն է գրանցվել գյուղում անասնագոմի վրա գայլերի հարձակում է եղել։«Այս գիշեր գայլերը հարձակվել են Ռաֆիկ Բադալյանի ոչխարների վրա, 15 ոչխարներ արդեն ստակել են, մոտ 35 հատ էլ վիրավորված են տարբեր աստիճաններով։ 56 ոչխար են այսօր հոշոտել»,- Hraparak.am-ին ասաց Սոթք գյուղի համայնքապետ Կոլիկ Շահսուվարյանը։

Թե որքան վնաս է գյուղացին կրել, գյուղապետն հստակ չի չկարողացավ ասել․ «Մեկ ոչխարի գինը մեզ մոտ 35.000 դրամից մինչև 40.000 հազար դրամ է հասնում, դե դուք ինքներդ պատկերացրեք թե ինչ ահռելի վնաս է գյուղացին կրել»։ Խոսելով նախօրեյին տեղի ունեցած գայլերի հարձակումից, Շահսուվարյանը տեղեկացրեց, որ 6 ոչխար էր գայլը հոշոտել և իրենք այդ գյուղացուն արդեն փոխհատուցել են։

Հենց նույն օրը գնացինք ոչխար առանք տվեցինք, ինչ վերաբերում է Ռաֆիկ Բադալյանին, ապա նա նոր է մեզ մոտ տեղափոխվել և ոչխարներն էլ Վարդենիսի բազայի մեջ են գրանցված, այդ պատճառով փոխհատուցում մենք տալ չենք կարող»,-ասաց գյուղապետը։ Նա տեղեկացրեց, որ գյուղում ընդամենը մեկ հրացան ունեն և հնարավորության դեպքում այդ մեկ հրացանով կոչնչացնեն բոլոր գայլերին։