Բաղրամյան պողոտայում բռնի ուժով ակտիվիստներին հեռացրին, կան բերման ենթարկվածներ

«Ոչ թալանին» նախաձեռնության անդամները դեռևս Բաղրամյան պողոտայում նստացույց են անում։

Փոխոստիկանապետ Վալեի Օսիպյանը 10 րոպե ժամանակ  է տվել նրանց, որպեսզի ինքնակազմակերպվեն և տարածքը լքեն։ Այնինչ ակցիայի մասնակիցները չեն համաձայնում լքել տարածքը։

Հիշեցնենք, որ երեկ ժամը19:00-ից ոսիկանները փակել են դեպի նախագահական տանող ճանապարհը, և բողոքի երթը, հասնելով ոստիկանական պատնեշին վերածվել էր նստացույցիԳրողների տան մոտ:

Օսիպյանի տված ժամանակը ավարտվեց, և բախումներ սկսվեցին: Ոստիկանները սկսեցին ուժ կիրառել, ցուցարարների դեմ՝ գործի դնելով ջրցան մեքենաները: Գետնին նստած մարդկանց անխնա ջրում էին։

Քաղաքացիական հագուստով եւ սեւ թեւկապներով ոստիկանները տասնյակ մարդկանց են բերման ենթարկել։