Մհեր Սեդրակյանի թիկնազորի կողմից ծեծված Վահան Մարտիրոսյանին հրավիրել են հարցաքննության

ԱԺ ՀՀԿ խմբակցության պատգամավոր Մհեր Սեդրակյանի մտերիմների ու թիկնազորի կողմից «Ներազգային ազատագրական շարժում» նախաձեռնության ղեկավար Վահան Մարտիրոսյանին եւ կնոջը նրանց 2 տարեկան երեխայի ներկայությամբ ծեծելու դեպքի առթիվ վարչական շրջանի դատախազի ցուցումով քրեական գործ է հարուցվել՝ ՔՕ-ի 118-րդ հոդվածի հատկանիշներով, այն է՝ ծեծ, որը պատժվում է տուգանքով՝ նվազագույն աշխատավարձի առավելագույնը 100-ապատիկի չափով, կամ կալանքով՝ առավելագույնը 2 ամիս ժամկետով: Մեր տեղեկություններով, Քննչական կոմիտեից արդեն Վահան Մարտիրոսյանին հրավիրել են հարցաքննության։ Նա նշել է, որ կինը հիվանդանոցում է, եւ առաջին իսկ հնարավորության դեպքում կներկայանա: