Ինչե՜ր չեն անի պաշտոնյաները՝ Սերժ Սարգսյանի աչքին լավ երևալու համար…

Սերժ Սարգսյանի աչքին լավ երևալու համար ինչ կարգի երդումներ ասես չեն տա մեր պաշտոնյաները: Բայց ամենաանվնաս երդումը աշխատավարձից հրաժարվելն է: Ահա նման մի երդում էլ տվեց Սամվել Բալասանյանը.

«Երդվում եմ՝ որպես Գյումրու քաղաքապետ աշխատավարձ չեմ ստանալու այնքան ժամանակ, քանի դեռ կա տնակում բնակվող թեկուզ մեկ գյումրեցի: Եվ թող Աստված օգնի մեզ դժվարին այս գործում» /«Ցայգ» հեռուստաընկերություն/:

Հիմա որ Սերժ Սարգսյանը Սամվելի ականջից քաշի ու ասի՝

Սամվել, բա որ աշխատավարձ չես ուզում ստանալ, ինչո՞վ ես ապրելու…

ՀԳ Աշխատավարձը մեր պաշտոնյաների համար ավելորդ մի բան է: Կարելի է խնայողություն անել ու բոլորինը կտրել: Դա իր երդումով հաստատեց Սամվել Բալասանյանը:

Հասմիկ Բաբաջանյան