Լարված իրավիճակ՝ Ազատության հրապարակում (ուղիղ միացում)
Ազատության հրապարակում Ժիրայր Սեֆիլյանի ելույթի ավարտին հրմշտոց սկսվեց ոստիկանության և ցուցարարների միջև: Ժիրայր Սեֆիլյանի հրահանգին՝ մինչև երթը սկսելը առաջին վրանը տեղադրել, ավելի օպերատիվ արձագանքեց ոստիկանությունը՝ Վալերի Օսիպյանի գլխավորությամբ և անմիջապես առգրավեց չտեղադրված վրանը;
Միջամտության փորձ կատարեց Րաֆֆի Հովհաննիսյանը՝ ամոթանքներ տալով ոստիկանությանը; Ոստիկանությունը պատասխանեց նույն ոգևորությամբ՝ ամոթը ձեզ:
Հարթակից մի պահ հնչած երաժշտությունը չհանդարտեցրեց իրավիճակը: Ոստիկանության ներկայացուցիչները չեն պատրաստվում զիջել:
Բարեբախտաբար, բախումը տևական չեղավ:
Ազատության հրապարակից մեկնարկում է «Նոր Հայաստան» միավորման երթը:
Ոստիկանության պահանջներին՝ հայտարարել երթուղին, «Նոր Հայաստանի» ղեկավարները հրաժարվում են պատասխանել:
Կարծիքներ