Բունդեսվերը կերկարաձգի իր ռազմական ներկայությունը Աֆղանստանում

Գերմանիայի իշխանությունները հայտնել են, որ երկրի զինված ուժերի (բունդեսվերի) ստորաբաժանումները կարող են Աֆղանստանում մնալ նախնական պլանավորվածից մեկ տարի ավելի: Այս մասին հաղորդում է «Korrespondent.net»-ը՝ հղում անելով գերմանական «Spiegel»-ին:
Գերմանիայի իշխանության ներկայացուցիչները համաձայնվել են, որ Աֆղանստանի Մազարի Շարիֆ քաղաքում բունդեսվերի առաքելությունը երկարացվի առնվազն մինչև հաջորդ տարվա վերջ:
Հաղորդվում է, որ բունդեսվերի ստորաբաժանումները կշարունակեն աջակցել երկրի հյուսիսում տեղակայված աղֆանական անվտանգության ուժերին: Սկզբնական պլանի համաձայն` գերմանացի զինվորականները պետք է լքեին Աֆղանստանի հյուսիսը 2016 թվականի սկզբին:
Գերմանիայի իշխանությունների սույն որոշումը կապված է տարածաշրջանում վտանգավոր իրադրության պահպանման հետ: