Շմայսը կրակի փուռն է տալիս գործընկերոջը

Անընդհատ աղմկոտ պատմությունների մեջ խճճված պատգամավորները վտանգավոր են ոչ միայն հանրության, այլ նաև միմյանց համար:

Օրինակով խոսեմ, մի փոքրիկ օրինակով, թե ինչպես կարող են միմյանց վնասել երկու սկանդալային պատգամավոր:

Առաքել Մովսիսյանն ահա թե ինչ է ասում լրագրողին՝ իր գործընկեր Մհեր Սեդրակյանի մասին.

«... Չեմ կարծում` ինքը նման մասսայական տեղեր նման կերպ պահեր իրեն» / yerkir. am/ : Ինքը Մհեր Սեդրակյանն է:

Սա բացահայտու՞մ չէ:

Շմայսը կրակի փուռն է տալիս գործընկերոջը:

Ասում ողջ ճշմարտությունը:

Լրագրողներն էլ հենց դա են ասում. լրագրողին Մհեր Սեդրակյանը «հրավիրում է աշխատասենյակ», որպեսզի ոչ մասսայական վայրում անի այն, ինչ մտքովն անցնում է:

Հաշվեհարդար տեսնի:

Դա Շմայսն է ասում, ես կապ չունեմ: Նրա խոսքը մեկ անգամ ևս բարձրաձայնենք.

«...Չեմ կարծում` ինքը նման մասսայական տեղեր նման կերպ պահեր իրեն»:

Ու նաև մտորենք՝ եթե մասսայական վայրերում պատգամավորն իրեն նման կերպ է պահում, աչքից հեռու տեղերում ինչպե՞ս կպահի…

Հասմիկ Բաբաջանյան